Mae Floventis Energy yn croesawu’r cyhoeddiad ac yn edrych ymlaen at chwarae rhan allweddol yn natblygiad y capasiti newydd, i gefnogi targed sero net y DU. Mae ymagwedd raddol Ystad y Goron tuag at ddatblygiad yn y Môr Celtaidd, sy’n cydnabod pwysigrwydd Prydlesi Profi ac Arddangos, yn cyflwyno’r cyfle gorau i ysgogi buddsoddiad newydd sylweddol mewn swyddi, sgiliau, a seilwaith yn y rhanbarth ac ar lefel ehangach y DU.

Drwy’r broses newydd hon, mae gan ddatblygiadau ynni gwynt ar y môr yn y Môr Celtaidd gyfle i gydbwyso’n gadarnhaol anghenion cymunedau ar y tir a’r amgylchedd, trwy ddull cydgysylltiedig a chynlluniedig a all hefyd helpu i gymell buddsoddiad mewn seilwaith grid a phorthladdoedd.

Dywedodd Scott Harper, Cyfarwyddwr Floventis a Phrif Swyddog Gweithredol Cierco Ltd: “- Mae’r cyhoeddiad heddiw yn cadarnhau cam arall eto yn y broses lle bydd penderfyniadau a chynllunio synhwyrol yn paratoi’r ffordd ar gyfer datblygiad trefnus ac effeithiol. Mae parth y Môr Celtaidd yn cyflwyno cyfle newydd yn y DU ar gyfer gwynt ar y môr. Mae’n bwysig felly bod y camau cynllunio hyn yn sicrhau bod y llwybr cyflawni nid yn unig yn darparu ar gyfer cyflawni targedau amgylcheddol, ond hefyd yn sbarduno cyfleoedd diwydiannol a chadwyni cyflenwi.”

Mae strategaeth ddatblygu Floventis Energy ar gyfer y Môr Celtaidd, sy’n cynnwys dau safle profi gwynt arnofiol ac arddangos Llŷr, yn cyd-fynd yn dda iawn â’r cynigion uchelgeisiol hyn ac edrychwn ymlaen at weithio gydag Ystad y Goron i sicrhau bod datblygiadau gwynt arnofiol yn y rhanbarth yn cael eu dwyn ymlaen mewn modd ystyriol a chynaliadwy.

Ynglŷn â Floventis Energy, www.floventis.com

Yn 2021 ffurfiodd Cierco a SBM Offshore y cwmni menter ar y cyd, Floventis Energy, gyda’r nod o ddod yn arweinydd marchnad mewn pŵer gwynt arnofiol ar y môr. Mae’r fenter ar y cyd yn dod â sgiliau ac arbenigedd cyflenwol ynghyd i gynhyrchu’r wybodaeth sydd ei hangen i ddatblygu a chyflwyno prosiectau technoleg cymhleth yn llwyddiannus yn yr amgylchedd alltraeth. Eisoes yn gyrru prosiectau arddangos yn Califfornia a’r DU, mae Floventis yn adeiladu portffolio o brosiectau i fynd â gwynt alltraeth sy’n arnofio trwy broses gam wrth gam – gan gynyddu maint prosiectau i gynigion datblygu graddfa masnachol llawn erbyn 2030.