Datganiad i’r wasg Gorffennaf 2021

Ystad y Goron yn cyhoeddi bwriad i roi hawliau gwely’r môr ar gyfer prosiect gwynt arnofiol Llŷr ar y môr yn y DU
Mae Ystad y Goron wedi cadarnhau heddiw ei fod yn bwriadu prydlesu dau safle prawf gwynt arnofiol ac arddangosol yn y Môr Celtaidd i Llŷr Floating Wind Limited. Bydd pob prosiect yn hwyluso arddangosiad o hyd at 100 MW. Yn amodol ar ddyfarnu’r ardaloedd prydles hyn yn ffurfiol gan Ystad y Goron, bydd prosiect Llŷr yn symud ymlaen gydag asesiadau amgylcheddol ac arolygon yn unol â’r prosesau caniatâd rheoleiddiol.

Mae datblygiad Llŷr yn cynnwys dau safle alltraeth, gyda chapasiti o 100 MW yr un, i’r de o Benfro, Cymru, y DU, mewn dyfroedd sydd rhwng 60 a 70m o ddyfnder. Bydd y ddau safle’n cynnig cyfle i brofi ac arddangos technolegau gwynt arnofiol arloesol ar raddfa gyn-fasnachol, gan alluogi’r gadwyn gyflenwi gwynt arnofiol i gronni.

Datblygir prosiect Llŷr gan Floventis Energy Limited, menter ar y cyd sydd newydd ei sefydlu rhwng SBM Offshore a Cierco Ltd. sy’n canolbwyntio ar ddatblygu prosiectau gwynt arnofiol yn y Môr Celtaidd.

Dywedodd Severine Baudic, Rheolwr Gyfarwyddwr Ynni a Gwasanaethau Newydd ar y Môr SBM “Rydym yn falch iawn o’r garreg filltir allweddol gyntaf hon a gyflawnwyd gyda Cierco trwy ein menter ar y cyd Floventis Energy. Bydd ein partneriaeth yn elwa o arbenigedd cyfunol Cierco mewn datblygu prosiectau a SBM Offshore mewn prosiectau alltraeth symudol. Gyda’n gilydd, mae gennym yr uchelgais i ysgogi a chyflymu’r farchnad gwynt arnofiol tra’n adeiladu hanes a phresenoldeb lleol.”